Bugun,

  • USD 11095.31
  • RUB 173.84
  • EUR 10772.44

Sirdaryodagi Sardoba suv omborining yorilishi oqibatida Qozog‘istonning Turkiston viloyati Maqtaaral tumanida suv ostida qolib, vayron bo‘lgan uylarning egalariga yangi uylarning kalitlari topshirildi. Bu haqda Tengrinews xabar berdi.

Foto: Tengrinews

Foto: Tengrinews

Ma’lum qilinishicha, Maqtaaral tumanining Mirzakent shahrida metsenat Bo‘lat Utemuratovning jamg‘armasi tomonidan 150 ta uy qurib berilgan. Uylar suv toshqinidan zarar ko‘rgan kishilarga bepul topshirildi. Uylarni topshirish marosimida Qozog‘iston bosh vaziri o‘rinbosari Roman Sklyar va Turkiston viloyati hokimi Umirzoq Shukeyev ishtirok etgan.

Foto: Tengrinews

Foto: Tengrinews

Mazkur 150 ta uyni qurish uchun jamg‘arma tomonidan 6 million dollar ajratilgan. Har birining maydoni 100 kvadrat metr bo‘lgan uch xonali uylarga Do‘stlik, Janaturmush va Jenis qishloqlari aholisi ko‘chib kelgan. Yangi mavzeda barcha kommunikatsiya ishlari amalga oshirilgan, bolalar bog‘chasi va maktab qurish ishlari boshlangan.

Foto: Tengrinews

Foto: Tengrinews

Foto: Tengrinews

Foto: Tengrinews

Turkiston viloyati hokimi tomonidan ma’lum qilinishicha, suv toshqini oqibatida yuzaga kelgan qiyinchiliklarni yengib o‘tishda hududga butun mamlakat yordam bergan.

Eslatib o‘tamiz, Mirzakent shahrida qurilgan uylarning poydevorini qo‘yish marosimida O‘zbekiston bosh vaziri Abdulla Aripov ishtirok etgandi.

Avvalroq Shavkat Mirziyoyev Sirdaryo viloyatida bo‘lib, toshqindan jabrlangan aholi bilan uchrashgandi va ular uchun qurilgan yangi uylarga tashrif buyurgandi.

Izoh
Asosiy yangiliklar
Mahalliy
Janubiy Koreya mamlakatda ishlash niyatidagi o‘zbekistonliklar uchun kvotalar sonini oshiradi
Dunyo
“Hind Chernobili” — Pxobaldagi texnogen halokat, Eron oliy rahbariga aylangan Homanaiy va Sovuq urushga yakun yasagan Yelsin—Bush. Kun xronologiyasida 3-dekabr
Sport
Braziliya Janubiy Koreyaga qarshi, Portugaliya esa Shveysariya bilan bahs olib boradi. JCH—2022 nimchorak finalning barcha juftliklari ma’lum bo‘ldi