Andijon viloyati Oltinko‘l tumani hokimi 54 yoshli Nazirjon O‘rinboyev 7-oktyabr kuni vafot etdi. “Daryo” manbasining so‘zlariga ko‘ra, hokim pnevmoniya kasalligi asoratlari va o‘tkir yurak qon-tomir yetishmovchiligidan vafot etgan.
Nazirjon O‘rinboyev 1966-yilda Oltinko‘l tumanida tug‘ilgan. 1989-yil Andijon davlat pedagogika institutini tamomlagan. Mahalliy ichki ishlar tizimida xizmat qilgan, xususan, 2014—2017-yillarda Andijon viloyati IIB Huquqbuzarliklarning oldini olish boshqarmasi boshlig‘i lavozimida ishlagan.
O‘rinboyev Oltinko‘l tumaniga hokim etib tayinlanguniga qadar qadar Andijon viloyati “Agroservis MTP” kompaniyasi raisining o‘rinbosari sifatida ishlagan. U 2018-yil 20-oktabrida Oltinko‘l tumaniga hokim etib tayinlangan edi.
29-sentabr kuni pnevmoniyadan davolanayotgan Xonobod shahri hokimi Musaxon Mamadaliyev o‘tkir yurak qon-tomir yetishmovchiligidan vafot etgan edi. Sentabr oyi o‘rtalarida Andijon viloyatida to‘rtta hokim – Xonobod shahri va Oltinko‘l tumani hokimlaridan tashqari, Paxtaobod va Shahrixon tumanlari rahbarlari ham pnevmoniyadan davolanayotgani haqida xabar berilgan edi.Pandemiya davrida vafot etgan rahbarlar
- Namangan viloyati hokimining o‘rinbosari 56 yoshida og‘ir xastalikdan vafot etdi
- Xonobod shahri hokimi Musaxon Mamadaliyev vafot etdi
- SSV Germaniyada vafot etgan O‘ktam Barnoyevni O‘zbekistonda halok bo‘lgan koronavirus qurbonlari ro‘yxatiga qo‘shdi
- Mirishkor tumani hokimi koronavirus asoratlari oqibatida vafot etdi
- Buxoro viloyati hokimi vazifasini bajaruvchi Karim Kamolov vafot etdi
- Qoraqalpog‘iston Jo‘qorg‘i Kengesi raisi Musa Yerniyazov vafot etdi
- Moliya vaziri o‘rinbosari Yorqin Tursunov 55 yoshida vafot etdi
- Sog‘liqni saqlash vazirligi koronavirusga chalingan Qonliko‘l tumani hokimining o‘limini tasdiqladi
