Italiya terma jamoasi safida 1982-yilgi mundial g‘olibi Franko Barezi dunyoning ayni damdagi eng yaxshi himoyachilari haqida gapirib o‘tdi.
Foto: 90Min
“Aynan bittasini tanlash oson emas. O‘ylashimcha, so‘nggi bir necha yil ichida Serxio Ramos sovrinlari va ajoyib o‘yinlari bilan eng yaxshi futbolchilardan biri bo‘lib turibdi. U yosh bo‘lmasa ham, “Real” uchun juda muhim o‘yinchi hisoblanadi.
Keyin esa van Deykni aytgan bo‘lardim, u “Liverpul”ning asosiy o‘yinchilaridan biri. U jamoaga ko‘p narsa bera oldi va shuncha yillardan keyin g‘alaba ishonchini qaytardi”, — deydi Barezi.
Ma’lumot uchun, 34 yoshli Ramos Ispaniya La Ligasining 2019/20-mavsumida 35 ta o‘yin o‘tkazib, 11 ta gol va 1 ta golli uzatmaga mualliflik qildi. Virjil van Deyk esa Angliya Premyer Liganing 38 uchrashuvida maydonga tushib, o‘z nomiga 5 ta gol va 1 assist yozdirib qo‘ydi.
Qayd etish joiz, har ikkala futbolchi o‘z jamoasi bilan mamlakat chempionatida g‘oliblikni qo‘lga kiritdi.
Mavzuga doir:
