“Barselona” prezidenti: VAR bir necha bor raqibimiz foydasiga xizmat qildi

“Barselona” prezidenti Xosep Bartomeu La Ligadagi hakamlik borasida o‘z fikrlarini bildirib o‘tdi.

“Buni bahona sifatida ishlatmoqchi emasman, ammo yana bir bor aytaman, VAR La Liga saviyasiga to‘g‘ri kelmaydi.

Videotakrorlar yordamida raqiblarimizdan biri foydasiga bir qator qarorlar qabul qilindi. Bu ayblov emas.

Biz shunchaki VAR qoidalari barcha uchun tushunarli bo‘lishini istaymiz. Hozirgi holat kutilganidek ketmayapti va buni ko‘rib chiqish kerak. “Valyadolid”ga qarshi o‘yinimizda (1:0) hakam o‘tkazib yuborgan bir qator qoida buzilishlariga guvoh bo‘ldim”, — deydi Bartomeu.

Eslatib o‘tamiz, so‘nggi vaqtlarda Ispaniyada hakamlar “Real” foydasiga qaror qabul qilayotgani ko‘p muhokama qilinmoqda.