Gulnora Ma’rufova O‘zbekiston Prezidentining 3-iyuldagi PQ-4775-sonli qaroriga ko‘ra, mahalla va oilani qo‘llab-quvvatlash vazirining birinchi o‘rinbosari etib tayinlandi. Bu haqda vazirlik axborot xizmati xabar bermoqda.

Gulnora Ma’rufova.

Foto: Axborot va ommaviy kommunikatsiyalar agentligi

Avval vazirning birinchi o‘rinbosari lavozimida ishlagan Elmira Bositxonova sog‘liqni saqlash vaziriga yangi o‘rinbosar etib tayinlangani, shuningdek, tizimda yana 3 nafar yangi vazir o‘rinbosarii faoliyat boshlashi haqida xabar qilingan.

Gulnora Ma’rufova 1957-yil 26-aprelda Farg‘ona viloyatida tug‘ilgan. 2004-yildan 2020-yilning fevral oyiga qadar O‘zbekiston Xotin-qizlar qo‘mitasi raisi o‘rinbosari lavozimida faoliyat yuritgan.

2020-yilning fevral oyidan shu vaqtga qadar Mahalla va oilani qo‘llab-quvvatlash vazirligi Ijtimoiy himoyaga muhtoj oilalar bilan ishlash boshqarmasi boshlig‘i lavozimida ishlab kelgan.