Britaniyadagi plyajlarning birida sayr qilib yurgan 5 yoshli qizaloq zaharli meduza topib oldi, deb xabar beradi Daily Mail.

Foto: Daily Mail

Uelslik Dom Foks plyajda qizi Erin bilan sayr qilib yurganida 5 yoshli qizcha qumdagi ulkan dog‘ni ko‘rib qolgan va uni ko‘rish uchun oldiga yugurgan.

Ma’lum bo‘lishicha, to‘lqinlar ikki metrli sianeyani qirg‘oqqa chiqarib tashlagan. Qizning otasi farzandini topilmaga yaqinlashtirishga ham qo‘rqqan, biroq u meduza bilan suratga tushishni xohlagan.

Foto: Daily Mail

Erkakning ta’kidlashicha, suratni ko‘rganlar shokka tushgan. Erkak qizaloq buni uzoq vaqt eslab yurishiga umid bildirmoqda.

Ma’lum bo‘lishicha, mahalliy suvlarda yashaydigan ushbu meduzalarning kattaligi yoz oylarida 2,5 metrgacha yetadi.