Bugun,

  • USD 11014.01
  • RUB 191.8
  • EUR 10674.78

O‘zbekiston tomoni 2020-yilgi paxta yig‘im-terimi kampaniyasini monitoring qilishda Cotton Campaign’ni bevosita hamkorlikka chaqirdi. Bu haqda Bandlik va mehnat munosabatlari vazirligi ma’lum qildi.

Ta’kidlanishicha, xalqaro tashkilotlar, to‘qimachilik bozori va biznesning ko‘magisiz to‘qimachilikni ish o‘rinlari tashkil etish muammosini hal qilishda mamlakatdagi yetakchi bo‘lgan tarmoqqa aylantirib, jadal rivojlantirib bo‘lmaydi.

“Shu bois 2020-yilda inspektorlar va ularning yordamchilari, ish beruvchilar, hokimlar, fermerlar, fermer xo‘jaliklari va paxta-to‘qimachilik klasterlari vakillari uchun Xalqaro mehnat tashkilotining milliy va xalqaro ekspertlarini jalb qilgan holda majburiy mehnatga yo‘l qo‘ymaslik bo‘yicha treninglar o‘tkazish orqali joylarda ishlarni kuchaytirish rejalashtirilmoqda”, — deyiladi vazirlik axborotida.

Majburiy mehnatga jalb qilganlik uchun javobgarlik yanada kuchaytirilishi kutilmoqda, ushbu yo‘nalishda sudyalar, prokurorlar va advokatlarning o‘quvlari tashkil etiladi. Mehnat shartnomasini to‘g‘ri rasmiylashtirish to‘g‘risida tushuntirishlar beriladi, qishloq xo‘jaligiga ixtisoslashgan kompaniyalar tomonidan ishchilarni jalb qilish bo‘yicha bandlikka ko‘maklashish hududiy markazlarining imkoniyatlarini kuchaytirish choralari ko‘riladi.

Bandlik va mehnat munosabatlari vazirligi vakillarining alohida qayd etishicha, majburiy mehnatning har qanday shakli O‘zbekistonda paxta va to‘qimachilik sanoatining rivojlanishi uchun jiddiy salbiy oqibatlarga olib keladi, mamlakatning obro‘siga putur yetkazadi.

“Oxirgi to‘rt yil ichida paxta terimi mavsumida majburiy mehnatga jalb qilish holatlari to‘rt barobarga — 2015-yildagi 448 ming kishidan 2019-yildagi 102 ming kishigacha kamaydi. Hukumat O‘zbekistonda munosib mehnat sharoitlarini ta’minlash bo‘yicha izchil siyosat olib bormoqda”, — deydi bandlik va mehnat munosabatlari vazirining birinchi o‘rinbosari Erkin Muhiddinov.

Izoh
Asosiy yangiliklar
Mahalliy
“Daryo” kundaligida sodir bo‘lgan eng muhim voqealar
Mahalliy
Shavkat Mirziyoyev Putin taklifiga binoan 7-oktabr kuni Rossiyaga boradi
Mahalliy
Dunyoda koronavirusni yuqtirish holatlari 6 foiz, o‘lim ko‘rsatkichi esa 12 foizga kamaydi