29-may, juma kuni dunyoning turli burchaklaridan olingan eng qiziqarli suratlar jamlanmasini taqdim etamiz.

O‘zbekiston Prezidenti Shavkat Mirziyoyev Sergeli tumanida barpo etilgan 16 qavatli uyni borib ko‘rdi. Davlat rahbari Sharofiddin va Shahnoza Jo‘raboyevlar xonadonida bo‘lib, ular bilan suhbatlashdi.

Foto: Prezident matbuot xizmati

Moskvada Kreml devori yonidagi “Noma’lum askar qabri”da faxriy qorovul navbat almashmoqda.

Foto: “TASS”

Mavzuga doir: Rossiyada sutka davomida 8572 kishida koronavirus qayd etildi. Bemorlarning 232 nafari vafot etdi

Germaniyaning Frankfurt shahrida quyosh chiqar vaqti gullab yotgan lola dalasi.

Foto: AP Photo

Hindistonning Kalkutta shahrida go‘zallik saloni xodimlari mijozlarni kutmoqda.

Foto: Reuters

Ispaniyaning Barselona shahrida Nissan zavodi ishchilari Frank hududidagi zavodning yopilishiga qarshi namoyishga chiqdi. Koronavirus pandemiyasi ishlab chiqarish sektoriga misli ko‘rilmagan iqtisodiy talafot yetkazdi.

Foto: Reuters

AQShning Finiks shahrida Brofi kollejining yuqori sinf o‘quvchilari diplom olish uchun sahnaga chiqish oldidan navbat kutmoqda. Stullarda marosimga kela olmagan o‘quvchilarning suratlari.

Foto: AP Photo

Madridda iqlim o‘zgarishiga qarshi namoyishda poyabzallar ichiga solingan novdalar. Chiqishlarning asosiy shiori “COVID bugun bor, iqlim inqirozi ertaga”.

Foto: EPA

Avstraliyaning Sidney shahrida triatlonchi Emma Jefkut Di Uay hududida mashq qilmoqda. U odatda yarim yillab mashq va musobaqalarda qatnashish uchun xorijda yuradi.

Foto: EPA

Rio-de-Janeyroda yangi xo‘jayinlari olib ketishidan avval veterinalar ko‘rigidan o‘tayotgan it. Guaratiba tumanidagi hayvonlar uchun boshpana uy hayvonlarini karantinda o‘tirgan odamlarga yetkazib berish bilan shug‘ullanadi.

Foto: Getty Images

Londondagi Dauning-strit ko‘chasi darvozalari qarshisida milliy sog‘liqni saqlash tizimini qo‘llab-quvvatlashga chiqqan shifokorlar.

Foto: Reuters

Tokioda tibbiyot xodimlarini olqishlash uchun osmon uzra parvoz qilayotgan harbiy uchuvchilar.

Foto: Reuters

AQSh prezidenti Donald Tramp ijtimoiy tarmoqlarning kompaniyalariga taalluqli ijro qarorini jurnalistlar bilan muhokama qilmoqda. Bosh prokuror Uilyam Barr uni tinglamoqda.

Foto: Reuters

Mavzuga doir: Fotogalereya: Trampning galstugi, qo‘l granatasi va Oydagi vezdexodda ishlatilgan skotchlar. Yopishqoq lenta patentlanganiga 90 yil to‘ldi

Pekinda o‘tkazilgan Milliy vakillar majlisi oldidan koronavirusga test topshirayotgan jurnalistlar.

Foto: Reuters

Mavzuga doir: Xitoyda sutka davomida yangi kasallanish holatlari qayd etilmadi, Janubiy Koreyada esa yana 58 kishi koronavirusga chalindi

Filippinning Manila shahrida yashovchi rassom qayta ishlangan idishlardan yasagan niqobini namoyish etmoqda.

Foto: Reuters

Hindistonning Nyu-Dehli shahridagi shifoxonada qo‘lini duoga ochgan koronavirusga chalingan bemor.

Foto: Reuters

Meksikaning Mexiko shahrida devorga chizilgan ayol surati.

Foto: Reuters

Mavzuga doir: Sirli rassom Toshkentdagi binolar devorlarini koronavirus pandemiyasi mavzusidagi graffitilar bilan bezatmoqda (foto)

Senegalning Dakar shahrida kelgusi haftada ochilishi kerak bo‘lgan qishloq maktablariga borish uchun hukumat avtobuslarini kutib o‘tirgan o‘qituvchilar va ularning bolalari.

Foto: Reuters

Hindistonning Mumbay shahrida temiryo‘lda transport kutayotgan yo‘lovchilar.

Foto: Reuters

Chexiyaning Praga shahrida futbol bo‘yicha milliy chempionat doirasidagi “Sparta” va “Viktoriya Plzen” klublari bahsini drayv-in kinoteatrida turib tomosha qilayotgan ishqibozlar.

Foto: Reuters

Indoneziyaning Jakarta shahrida karantin uyiga aylantirilgan o‘quv markazi balkonlarida mashq bajarayotgan bemorlar.

Foto: Reuters

Avvalgi kunlarning fotogalereyalari: