Dunyo

Adiblar xiyoboniga kelgan Mirziyoyev, Makkadagi Laylatul Qadr kechasi, AQShda toshgan damba. 20-may suratlari

20.05.2020, 23:58 71595

20-may, chorshanba kuni dunyoning turli burchaklarida olingan eng qiziqarli suratlar jamlanmasini taqdim etamiz.

Indoneziyaning Janubiy Tangerang shahrida Qurbon hayitiga mahsulot olish uchun navbatda turgan odamlar.

Janubiy Afrika poytaxti Pretoriyada hukumatdan mahsulotlar bo‘yicha yordam olish uchun navbatda turgan odamlar.

Hindistonning Kalkutta shahriga kirib kelgan “Amfan” siklonidan jabr ko‘rgan nogiron erkakni qutqaruvchi politsiya xodimlari xavfsiz joyga olib ketmoqda.

Filippindagi Keson-siti shahrida antitana uchun test topshirishga navbatda turgan odamlar.

Burundining Gitega shahrida saylovchilar prezidentlik saylovida ovoz berishidan avval ularga urnalar bo‘shligi ko‘rsatilmoqda. Mamlakat rahbari Pyer Nkurunziza 15 yillik faoliyatdan so‘ng ketmoqda.

Angliyaning Chelmsford shahrida McDonald’s’ning qayta ochilganidan xursand xo‘randalar.

Janubiy Koreyaning Tejon shahridagi katta maktablar ochilganidan so‘ng himoya oynalari orqali ajratilgan oshxonada tushlik qilayotgan o‘quvchilar.

Mavzuga doir: Xitoyda bir sutkada 5 kishida, Janubiy Koreyada esa 32 kishida koronavirus qayd etildi

Tailandning Bangkok shahrida zargarlik do‘koni yopilgan savdogar endilikda yo‘l ustida sartaroshlik qilmoqda.

Ispaniyaning Barselona shahridagi La-Barseloneta plyajida dengizga chiqishga hozirlanayotgan suzuvchilar.

Germaniyaning Sella-Melis shahrida mamlakatda Covid-19 tufayli vafot etgan insonlar xotirasiga chiroqlar yoqayotgan ayol.

O‘zbekiston Prezidenti Shavkat Mirziyoyev Alisher Navoiy nomidagi O‘zbekiston Milliy bog‘ida barpo etilgan Adiblar xiyoboniga tashrif buyurib, Alisher Navoiy haykali poyiga gul qo‘ydi.

Mavzuga doir: Toshkentda Adiblar xiyoboni ochildi (foto)

AQShning Michigan shtatidagi Senford dambasidan kuchli yomg‘ir tufayli yuzaga kelgan suv chiqishi tasvirlangan surat.

Pekinda o‘tkazilgan Milliy xalq kongressi doirasida tashkil etilgan Xitoy Xalq siyosiy konsultativ anjumaniga kirish oldidan koronavirusga test topshirayotgan xorijlik jurnalist.

Mavzuga doir: “Eng yomoni hali oldinda”. COVID-19 pandemiyasining yangi o‘chog‘iga aylangan mintaqa

Shveysariyaning Yonen kommunasida paralimpiya sportchisi Sofiya Gonsales uyidagi bog‘da shug‘ullanmoqda.

Pokistonning Karachi shahrida yumshatilgan tartib vaqtida vokzalda poyezdga chiqish uchun farzandi bilan birga navbatda turgan erkak.

Mavzuga doir: Karantin vaqtida ish boshlagan Toshkent vokzali — suratlarda

Saudiya Arabistonining Makka shahridagi Masjid al-Haram masjididagi Ka’ba yaqinida Laylatul Qadr kechasida ijtimoiy masofa saqlab duo o‘qib turgan odamlar.

Kot-d’Ivuarning Abidjan shahridagi masjid yaqinida o‘tirgan tilanchilar.

Mavzuga doir: Jahon banki koronavirus sababli 60 mlnga yaqin odam qashshoqqa aylanishini prognoz qildi

Vashingtondagi Oq uyning katta maslahatchisida Ivanka Tramp pandemiya sharoitida oziq-ovqat mahsulotlarining yetkazib berilishi bo‘yicha davlat zanjiri borasida gapira turib, stol ustidagi mahsulotlarga qaramoqda.

Kanadaning Toronto shahridagi ko‘chalardan birida og‘zida olmaxonni olib ketayotgan tulki.

Hindistonning Ahmadobod shahrida koronavirus tufayli joriy etilgan yopiq tartib yumshatilmoqda. Go‘zallik saloni kosmetologlari mijozlarga xizmat ko‘rsatmoqda.

Prezident Shavkat Mirziyoyev Adiblar xiyoboni yonida tashkil etilgan Toshkent shahri muzeyi bilan ham tanishdi. Hozirgacha bu yerda mingga yaqin eksponatlar to‘plangan. Muzey fondini boyitish davom ettirilmoqda.

Avvalgi kunlarning fotogalereyalari: