O‘zbek san’atkorlari karantin vaqtida muxlislarini zeriktirmaslikka harakat qilmoqda. 7-aprel kuni ham ular o‘zlarining Instagram’dagi sahifalarida turli xil qiziq video va foto postlar joylab bormoqda.

Og‘abek Sobirov barchaga uyda qolishni va yaqinlarini telefon orqali yo‘qlab turishni maslahat berdi.

“Uyda qoling! Oilangiz davrasida tinchgina o‘tirishning o‘zi baxt emasmi? Agar zeriksangiz, do‘stlar va yaqinlaringizdan telefon orqali hol-ahvol so‘rang va chaqchaqlashing! Ammo, iltimos, do‘stlar, akalar, ukalar, o‘zingizni va oilangizni asrang va uyda qoling”, — deydi Og‘abek Sobirov.

Xonanda Hulkar Abdullayeva Zoom orqali sozandalari bilan “Paqa-paq” taronasini kuyladi.

Yulduz Usmonova “Uyda qoling” deb nomlangan qo‘shig‘iga muxlislar tomonidan yuborilgan qiziqarli videolavhalarni sahifasiga joylab bormoqda va har kuni jonli ijroda konsert dasturini taqdim qilmoqda.

Xonanda Imron “To‘y bo‘ladi” qo‘shig‘iga parodiya qilgan muxlisining videolavhasini joyladi. U “tez kunda virus ketadi”, deb kuylamoqda.

https://www.instagram.com/p/B-rok6MF9ap/?igshid=1bek6r2xurtxi

Xonanda Ozoda Nursaidova ham onlayn konsert dasturini boshlab yubordi.

https://www.instagram.com/p/B-rezqkBXTr/?igshid=vx02lgna8o1f

Xonanda Umar Shamsiyev uyda jonli ijroda “Qizalog‘im” qo‘shig‘ini kuylab berdi. Raqsida qizalog‘i bo‘ldi.

Xonanda Sardor Toirov “Hasrat” deb nomlangan yangi videoklipini premyera qildi.

Aktrisa va dizayner Shahzoda Muhammedova turmush o‘rtog‘i bilan tushgan suratlarini joyladi.

“Ummon” guruhining sobiq a’zosi Zohid “Alda” deb nomlangan qo‘shig‘ini premyera qildi.