Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi o‘rinbosari Saida Mirziyoyeva Facebook va Instagram’dagi sahifalari orqali o‘ziga bir guruh faollar tomonidan yo‘llangan videomurojaatga javob qaytardi. Murojaatda himoyasiz jonivorlarga g‘amxo‘rlik ko‘rsatishda yordam so‘ralgan edi.
“Menga bir guruh faollar himoyasiz jonivorlarga g‘amxo‘rlik qilish muammosini hal etishga yordam so‘rab murojaat qilishdi. Jonivorlarga nisbatan insoniylik, shubhasiz, jamiyat ma’naviy rivojlanishining ko‘rsatkichi hisoblanadi va har bir befarq bo‘lmagan inson ularga nisbatan shafqatsizlikni to‘xtatish uchun barcha imkoniyatini ishga solishi lozim.
Men ushbu faollarning fikrini qo‘llab-quvvatlayman, ularning muammosini tinglashga hamda jonivorlarga nisbatan rahmsiz munosabatga yo‘l qo‘ymaslik uchun chora ko‘rilishiga yordam berishga tayyorman”, — deya yozib qoldirgan Saida Mirziyoyeva Instagram’da.
https://www.instagram.com/p/B9b5dUupWut/