Shavkat Mirziyoyev Otaturk qabriga gulchambar qo‘ydi

Shavkat Mirziyoyev Anqara shahridagi Anitkabir yodgorlik majmuasiga tashrif buyurib, Mustafo Kamol Otaturk qabriga gulchambar qo‘ydi. Bu haqda Prezident matbuot xizmati ma’lum qildi.

Davlat rahbari muzey bilan ham tanishdi, majmuaning faxriy mehmonlar kitobiga dastxat yozdi.

Ma’lumot uchun, Mustafo Kamol 1923-yilda mustaqillikni e’lon qilib, hozirgi Turkiya Respublikasiga asos solgan hamda uning birinchi prezidenti bo‘lgan. 1934-yilda parlament qonuni bilan unga Otaturk nomi berilgan.

U dafn etilgan Anitkabir majmuasi xalq uchun qadrli maskanga aylangan.