Samarqandda 15-fevral kuni kuzatilgan yog‘ingarchilik oqibatida Oqdaryo tumani “Loyish” bozori oldida yuzaga kelgan katta ko‘lmakka Nexia avtomobili “cho‘kib ketgani” haqida yozgandik.
Mazkur holat yuzasidan Oqdaryo tuman hokimligi axborot xizmati munosabat bildirdi.
‘Loyish’ bozorida suvda qolgan avtomashina to‘g‘risida tarqalgan video yuzasidan shuni ma’lum qilamizki, unda ko‘rsatilgan joy bugungi kunda bozor hududida emas. Ushbu yer maydonidan O‘zbekiston Respublikasi Prezidentining 2019-yil 28-noyabrdagi “Ipoteka krediti mexanizimlarini takomillashtirishga oid qo‘shimcha chora tadbirlari to‘g‘risida”gi farmoni ijrosini ta’minlash maqsadida ko‘p qavatli uy-joylar qurilishi rejalashtirilgan bo‘lib, hozirda yer qazish ishlari amalga oshirilgan.Videoda aks etgan avtomobil haydovchisi bozorga yo‘lni yaqin qilish maqsadida haydash mumkin bo‘lmagan joydan harakatlanib, beton to‘siq ustidan o‘tgan. Natijada suv to‘plangan xandaqqa tiqilib qolgan.
Keyingi kunlarda yog‘ingarchiliklar ko‘payganligi sababli ushbu hududning pastlik qismiga suv to‘planib qolgan. Hozirda tegishli mutasaddilar tomonidan to‘plangan suvni bartaraf etish choralari ko‘rilmoqda.
Oqdaryo tuman hokimligi axborot xizmati
Izoh (0)