Ichki ishlar vazirligi huzuridagi Tergov departamenti xabariga ko‘ra, 2020-yil 31-yanvar kuni Termiz shahri bo‘yicha IIO FMB xodimlari tomonidan o‘tkazilgan maxsus tadbirda Termiz tumanida yashovchi 39 yoshli R.S. qo‘lbola usulda o‘zi yasagan o‘qotar qurol va 12 dona patronni jami bir million yetti yuz ellik ming so‘mga sotayotgan vaqtida ushlangan va undan qurol hamda patronlar ashyoviy dalil tarqasida rasmiylashtirib olingan.

Foto: Ichki ishlar vazirligi huzuridagi Tergov departamenti

Ekspertiza xulosasiga ko‘ra, olib qo‘yilgan qo‘lbola qurol va patronlar jangovar holatda otish uchun yaroqli ekanligi ko‘rsatilgan.

Foto: Ichki ishlar vazirligi huzuridagi Tergov departamenti

Mazkur holat yuzasidan Termiz shahri bo‘yicha IIO FMB 2-sonli IIB huzuridagi Tergov bo‘limi tomonidan O‘zbekiston Respublikasi Jinoyat kodeksining 248-moddasi (Qurol, o‘q-dorilar, portlovchi moddalar yoki portlatish qurilmalariga qonunga xilof ravishda egalik qilish) 3-qismi “a” bandi bilan jinoyat ishi qo‘zg‘atilib, R.S.ga nisbatan ayblov e’lon qilingan va qamoqqa olish tarzidagi ehtiyot chorasi qo‘llanilgan, deyiladi xabarda.

Dastlabki tergov harakatlari olib borilmoqda. Ayblovga ko‘ra, R.S. o‘n yildan yigirma yilgacha ozodlikdan mahrum qilinishi mumkin.