Bugun,

  • USD 11095.31
  • RUB 173.84
  • EUR 10772.44

Rossiya prezidenti Vladimir Putin Suriyaga safar uyushtirdi va u yerda mamlakat prezidenti Bashar Asad bilan uchrashdi. Bu haqda “RIA Novosti” xabar bergan.

Foto: Teller Report

Foto: Teller Report
Putin Asad bilan suhbat vaqtida Suriyaning davlat sifatida himoya qilish va hududiy yaxlitligini ta’minlash borasida ulkan ishlar amalga oshirilganini bildirdi. Ikki davlat rahbarining uchrashuvi Rossiya va Suriya harbiy guruhlari qo‘mondonlik punktida o‘tkazildi.

Uchrashuvga qadar Putin Damashq ko‘chalarini sayr qildi va shaharga tinchlik qaytganini payqadi. O‘z navbatida Bashar Asad rossiyalik hamkasbiga terrorizm bilan mardonovor kurashda ko‘rsatgan yordami uchun minnatdorlik bildirib, uni Rojdestvo bilan tabrikladi.

Asad hamrohligida ko‘chalarni aylangan Putin poytaxtdagi qadimiy masjidlardan biriga kirdi va faxriy mehmonlar kitobiga o‘z qaydlarini yozib qoldirdi. Masjid muzeyi direktori ikki davlat rahbarini bu yerdagi eksponatlar bilan tanishtirgan. Xususan, Putinga Ioann Poklovchiga tegishli buyum namoyish qilindi. Ushbu buyum xristianlar uchun ham musulmonlar uchun ham birdek aziz hisoblanadi.

Rossiya prezidenti masjidga tashrifi vaqtida suriyaliklarga XVII asrda nashr qilingan “Qur’oni Karim” kitobini sovg‘a qilgan.

Keyinroq rus yetakchisining korteji Avliyo Bibi Maryam cherkovi tomon harakatlandi. Putin ibodatxonaga ikona suratini sovg‘a qildi.

Suriyada fuqarolar urushi 2011-yil bahorida boshlangan. Urushning asosiy ishtirokchilari Bashar Asad boshqaruvidagi hukumat kuchlari hamda mamlakat hududidagi jangarilardir. Muxolifatni AQSh hamda Yevropa davlatlari, Bashar Asadni esa Rossiya qo‘llab-quvvatlamoqda.

Izoh
Asosiy yangiliklar
Mahalliy
“Odamlar o‘limida o‘zimni aybdor hisoblamayman” — Nukusdagi tartibsizliklar yetakchisi Dauletmurat Tajimuratov
Madaniyat
“Xudodan qo‘rqmagan odamdan qo‘rqdim”. O‘zbekiston xalq artisti Bobomurod Hamdamov oilaviy nizolar tufayli ijara uyda yashamoqda (video)
Sport
O‘zbekiston amputantlar terma jamoasi futbolchilariga Cobalt avtomobillari topshirildi