Eronda 8-yanvar kuni “Ukraina xalqaro avialiniyalari” (MAU)ning Boeing 737 samolyoti halokatga uchradi. Samolyot bortida, turli manbalar ma’lumotlariga ko‘ra, 167 nafardan 180 nafargacha odam bo‘lgan. Ularning bari halok bo‘lgan. Eron OAVlari samolyot halokatiga “texnik muammolar” sabab bo‘lgani haqida yozmoqda.
Ayni vaqtda Iordaniyaning Al-Hadath nashri layner tasodifan raketa bilan urib tushirilgan bo‘lishi mumkinligi haqida yozdi: samolyot qulagan tunda Eron AQShning Iroqdagi ikkita harbiy bazasiga raketa zarbalari bergan edi. Bu 3-yanvar kuni Bag‘dod yaqinida eronlik general Qosim Sulaymoniyning AQSh prezidenti Donald Tramp buyrug‘iga ko‘ra o‘ldirilishiga javoban amalga oshirilgan.
Izoh (0)