Noyabr oyida toshkentliklar orasida “Sirg‘ali bu – kichik Angliya” (Amerika, Xitoy, Meksika) degan bilbord qiziqish uyg‘otdi. 27-dekabr kuni bu sir ochildi va O‘zbekistonda birinchi yangi formatdagi Sirg‘ali tumanida joylashgan “Five” fudkort jamoatchilikka taqdim qilindi.

2019-y. 27-dekabr, Toshkent. “Five” – O‘zbekistonda ilk bor ko‘ngilochar savdo markazi qoshida emas, balki alohida noyob gastronomik loyiha sifatida barpo etildi. U 7 ta restoran va 1 qahvaxonani o‘zida jamlagan bo‘lib, totli taom shinavandalariga odat bo‘lib qolgan fastfud o‘rniga muqobil taomlarni taqdim qiladi va iste’mol qilib ko‘rish imkonini yaratadi. Bir maydonda Meksika, Angliya, Italiya, Amerika, Livan va butun Osiyo oshxonalari joylashgan.

“Five” gastroloyihasi bu — har bir tashrif buyuruvchi uchun odatdagi ta’m chegaralarini kengaytirish imkoniyatidir. Endi jahonda keng tarqalgan oshxonalar bilan yaqindan tanishish uchun dunyoning boshqa bir chekkasiga aviachipta olish shart emas – farzandlaringiz va o‘zingiz boshqa mamlakatlar shoh taomlari bilan Toshkentda tanishishingiz mumkin. “Five” bu – bir vaqtning o‘zida Meksikaning burritosi, Livanning falafeli va kruasanlari bilan qahva ichish joyidir”, — deb sharhlaydi loyiha rahbari Nargiza Ulug‘ova.

Fudkort makoni 200 ta o‘tirish joyiga mo‘ljallangan, 120 xil turdagi taomlar menyusidan iborat, buyurtmani kutish vaqti esa 10 daqiqadan ortmaydi, bu “Five” mehmonlariga tez xizmat ko‘rsatish hamda sog‘lom hamda kafeda totli ovqat yeyish va o‘zi bilan olib ketish imkonini beradi. Tashkilotchilar taqdim etiladigan taomlarning autentik bo‘lishiga harakat qiladilar.

“Biz chet elga sayohati chog‘ida mahalliy oshxonaga baho bergan mehmonimizga “Five” fudkortiga kelib, ta’mi va sifati jihatdan o‘sha ovqatlarga teng taom unga tortilishini istaymiz. Agar pitsa taqdim qilsak, u Italiyada yeyiladigan pitssadir. Retseptidagi oziq-ovqat mahsulotlari mahalliy mahsulotlarga almashtirilmaydi. Masalan, menyuda avokadodan tayyorlangan guakamole va klassik retsept bo‘yicha tayyorlangan xumus mavjud”, — dedi loyiha bosh oshpazi Jamshid Oripov.

Ilk “Five” fudkorti Sirg‘alidagi korzinka.uz supermarketi yonida ochildi.  Tashkilotchilar butun Toshkent bo‘yicha mazkur  fudkortlar tarmog‘ini yaratishni rejalashtirmoqdalar.