5-dekabr kuni Toshkent shahar IIBB YHXB YPX inspektorlari 2615 ta YHQ qoidabuzarliklarini qayd etdi, deb xabar berdi Toshkent shahar IIBB matbuot xizmati.

Foto: Toshkent shahar IIBB matbuot xizmati

10 nafar haydovchilarga nisbatan avtomobilni spirtli ichimlik ta’siri ostida boshqarganliklari uchun ma’muriy bayonnomalar rasmiylashtirildi. Svetoforning ta’qiqlovchi belgisini mensimagan haydovchilar soni 124 tani tashkil etdi; 114 ta holatlarda haydovchilar piyodalar yo‘lakchasi bo‘ylab yo‘lni kesib o‘tmoqchi bo‘lgan piyolarani o‘tkazib yubormagan, deyiladi xabarda.

Shu bilan birga, YPX inspektorlari tomonidan 44 ta bayonnomalar yo‘lni belgilanmagan joydan kesib o‘tmoqchi bo‘lgan piyodalarga nisbatan rasmiylashtirildi.

Foto: Toshkent shahar IIBB matbuot xizmati

Belgilangan harakat tezligi oshirilganligi bilan bog‘liq 528 ta faktlar statsionar va ko‘chma avtomatlashtirilgan radarlar tomonidan qayd etildi.

“Hurmatli haydovchi va piyodalar! Yo‘l harakati qoidalariga rioya qilishingizni va bir-birlaringizni hurmat qilishingizni so‘raymiz”, — deyiladi xabarda.