Surxondaryo viloyati IIB Harbiy safarbarlik bo‘limi xodimlari tomonidan joriy yilning 27-noyabr kunidan 29-noyabr kunigacha hamda 4-dekabr kunlari Termiz shahridagi “Do‘stlik”, “Jo‘yjangal” va “Amu sohillari” mahalla hududlarida maxsus taktik amaliy o‘quv mashg‘uloti o‘tkazildi. Bu haqda viloyat IIB axborot xizmati xabar berdi.
O‘quv mashg‘ulotlari Termiz shahar xavfsizligini ta’minlash bo‘yicha Surxondaryo viloyati Ichki ishlar boshqarmasi shaxsiy tarkibi, Mudofaa vazirligining Janubiy G‘arbiy Maxsus Harbiy Okrugi Janubiy operativ yo‘nalishi boshqaruv guruhi, DXX Surxondaryo viloyati boshqarmasi, O‘zbekiston Respublikasi Milliy Gvardiyasi Surxondaryo viloyati boshqarmasi, Davlat bojxona boshqarmasi, Prokuratura, Favqulodda vaziyatlar boshqarmasi, “Janub” Chegara qo‘shinlari mintaqaviy shtabi, Hokimiyat va keng jamoatchilik vakillari bilan hamkorlikda o‘tkazildi.
O‘quv mashg‘ulotida shartli jinoyatchilarni aniqlash, ularni qo‘lga olish va ularda mavjud bo‘lgan o‘q otar qurollardan zararsizlantirish, eng asosiy vazifasi esa shartli jinoyatchilar tomonidan Termiz shahri aholisiga zarar yetkazmaslik vazifalari topshirilib, vazifalar tezkorlik va puxta reja asosida ado etildi.
Ushbu o‘quv amaliy maxsus-taktik mashg‘ulotida barcha huquqni muhofaza qiluvchi organ xodimlarining jangovar shaylik darajasi oshirilib, Termiz shahar hududini favqulodda vaziyatlar sodir bo‘lganida shaxsiy tarkib tomonidan to‘g‘ri qaror qabul qilishi, belgilangan nuqtalarda postlarda xizmat olib borishlari, O‘zbekiston Respublikasi IIVning maxsus rejalariga asosan ishlarni to‘g‘ri tashkillashtirilishi o‘quv mashg‘uloti davomida o‘rganilib, amalda sinovdan o‘tkazildi.
Izoh (0)