Bugun, 8-noyabr kuni Xalqaro matbuot markazida Markaziy saylov komissiyasining navbatdagi majlisi bo‘lib o‘tdi, deb xabar bermoqda MSK matbuot xizmati. Majlisda Rossiyada ochilgan saylov uchastkalari faoliyatini tashkil etish masalasi ham ko‘rib chiqildi.
Foto: AP
O‘zbekistonning Rossiyadagi elchisi Botirjon Asadov Rossiyada tuzilgan saylov uchastkalari faoliyatini tashkil etish va Rossiyadagi o‘zbekistonliklarning saylovda ovoz berish huquqini ta’minlash borasida amalga oshirilayotgan ishlar haqida batafsil axborot berdi.
“Rossiyadagi saylov uchastkalari soni 2016-yilgi saylovdagiga nisbatan 5 taga ko‘paygan va bugungi kunda 7 tani tashkil etmoqda”, — degan diplomatik missiya rahbari.
Mavzuga doir: Mahmud Istamov Markaziy saylov komissiyasi hukumat qo‘lidagi o‘yinchoq emasligini aytdi
Shu yilning 22-dekabrdagi parlamentga bo‘ladigan saylovda Rossiyadagi o‘zbekistonliklarning qatnashishlari uchun Rossiyaning turli mintaqalarida saylov uchastkalari tashkillashtiriladi. Ushbu uchastkalar Moskva, Sankt-Peterburg, Vladivostok, Yekaterinburg, Novosibirsk, Rostov-Don va Qozon shaharlarida joylashgan.
“MK”ning xabar berishicha, bunda, konsullikda ro‘yxatdan o‘tmagan shaxslar ma‘lum bir hududda ovoz berish istagini saylovdan kamida 15 kun oldin xabar berishi kerak. Ro‘yxat 7-dekabrgacha shakllantiriladi.
