Surxondaryo viloyatida Milliy gvardiya bo‘linmalaridan birining harbiy xizmatchilari aholini turli vaziyatlarda terroristik va ekstremistik tahdidlardan himoya qilishda aniq va tezkor harakatlanish ko‘nikmalarini oshirib borish maqsadida murakkab tog‘ sharoitida o‘quv mashg‘ulotlarini o‘tkazdi. Bu haqda “Daryo”ga Milliy gvardiya matbuot xizmati xabar berdi.
Ma‘lum qilinishicha, O‘zbekiston bo‘ylab turli xil sharoitlarda doimiy ravishda o‘tkazib kelinayotgan o‘quv-taktik mashg‘ulotlari dovyurak o‘g‘lonlarning jangovar qobiliyatini oshirib, amalda o‘zlariga bo‘lgan ishonchi ortishiga va sergak bo‘lishiga xizmat qiladi.
“Surxondaryo viloyatidagi Milliy gvardiya bo‘linmalaridan birida hafta davomida olib borilayotgan ana shunday o‘quvlar real holatga yaqinlashtirilganligi alohida ahamiyat kasb etib, harbiy xizmatchilarni ruhan toblaydi, jismonan va aqlan kamolga yetkazadi”, — deyiladi xabarda.
Izoh (0)