Britaniyalik ko‘cha musavviri Benksining mahalliy parlament mazax qilingan kartinasi Londondagi Sotheby’s auksionida 9,9 million funt sterlingga (12,2 million dollar) sotildi. Bu haqda Meduza xabar bermoqda.

Foto: Sotheby’s

“Ayanchli parlament” deb nomlangan kartinada Vakillar palatasida majlis qurayotgan shimpanze maymunlari aks etgan. 4,2 ga 2,5 metrli kartina 2009-yilda chizilgan bo‘lib, Benksining eng katta asari hisoblanadi.

Auksiondagi savdolar 3-oktabr, payshanba kuni bo‘lib o‘tdi va 13 daqiqaga cho‘zildi. Yakuniy baho dastlabki narxdan 5 barobar ortiq bo‘ldi va Benksi ishlari qiymati borasida yangi rekordga aylandi.

Oldingi rekord 2008-yili Sotheby’s auksionining Nyu-Yorkdagi savdolari chog‘ida o‘rnatilgan bo‘lib, o‘shanda “Dog‘ tushirmaganlik” kartinasi 1,9 million dollarga sotilgan.