Британиялик кўча мусаввири Бэнксининг маҳаллий парламент мазах қилинган картинаси Лондондаги Sotheby’s аукционида 9,9 миллион фунт стерлингга (12,2 миллион доллар) сотилди. Бу ҳақда Meduza хабар бермоқда.
«Аянчли парламент» деб номланган картинада Вакиллар палатасида мажлис қураётган шимпанзе маймунлари акс этган. 4,2 га 2,5 метрли картина 2009 йилда чизилган бўлиб, Бэнксининг энг катта асари ҳисобланади.
Аукциондаги савдолар 3 октябрь, пайшанба куни бўлиб ўтди ва 13 дақиқага чўзилди. Якуний баҳо дастлабки нархдан 5 баробар ортиқ бўлди ва Бэнкси ишлари қиймати борасида янги рекордга айланди.
Олдинги рекорд 2008 йили Sotheby’s аукционининг Нью-Йоркдаги савдолари чоғида ўрнатилган бўлиб, ўшанда «Доғ туширмаганлик» картинаси 1,9 миллион долларга сотилган.
Изоҳ (0)