Respublika Ma’naviyat va ma’rifat markazi tashabbusi bilan Qashqadaryo viloyati hokimligi hamkorligida Turkiya davlatining “Anqara” universitetida markazning mas’ul xodimlari ishtirokida buyuk olim Abu Muin Nasafiy hayoti va merosiga bag‘ishlangan tadbirlar o‘tkazildi, bu haqda Respublika Ma’naviyat va ma’rifat markazi axborot xizmati “Daryo”ga ma’lum qildi.
Uchrashuv davomida ikki davlat olimlari kelgusidagi o‘zaro ilmiy hamkorlikni yanada mustahkamlash, buyuk mutafakkir merosining bugungi kundagi ahamiyatini yoritib borish yuzasidan o‘zaro fikr almashdi.
Tadbir doirasida allomaning “Tafsirat al-adilla” asarining o‘zbek tilidagi tarjima nashrining taqdimoti bo‘lib o‘tdi hamda uchrashuv so‘ngida universitetning qo‘lyozmalar fondi bilan tanishildi. Respublika Ma’naviyat va ma’rifat markazi bo‘lim boshlig‘i Ergash Daminov o‘z fikrlari quyidagicha bildirib o‘tdi: “Mavjud manbalar raqamlashtirilgan, elektron bazasi, qo‘lyozmalardan foydalanishning barcha imkoniyatlari yaratilgan. Eng quvonarlisi ajdodlarimiz, xususan, Imom Motrudiy va Abu Muin Nasafiy asarlari, ularga bag‘ishlab qilingan tadqiqotlar alohida bo‘limda saqlanmoqda”.
Turkiya safarining so‘nggi kunida yurtdoshlar Anqara shahridagi Islom tadqiqotlar markazi kutubxonasida (ISAM) bo‘lib, Abu Muin Nasafiyning asarlari bilan tanishdi, mavjud qo‘lyozmalardan nusxa olish, xarid qilish yuzasidan muzokaralar olib bordi.
Izoh (0)