Bugun,

  • USD 11095.31
  • RUB 173.84
  • EUR 10772.44

Futbol bo‘yicha Afrika Millatlar Kubogining guruhlarida 30-iyun, yakshanba kuni 3-tur bahslariga start berildi.

Foto: Twitter

Foto: Twitter

Musobaqa mezboni Misr terma jamoasi Uganda termasiga qarshi maydonga tushdi.

Bellashuvning 36-daqiqasida misrlik hujumchi Muhammad Saloh jarima zarbasidan hisobni ochgan bo‘lsa, 45-daqiqaga kelib himoyachi Ahmad al-Muhammadi hisobni 2:0 ko‘rinishiga olib keldi.

Shu tariqa Misr termasi musobaqaning 3-turida Uganda ustidan ishonchli g‘alabani qo‘lga kiritdi.

Mazkur g‘alabadan so‘ng misrliklar 9 ochko jamg‘argan holda guruhda birinchi o‘rinni egalladi va pley-off yo‘llanmasini qo‘lga kiritdi. Uganda esaMisrga mag‘lub bo‘lganiga qaramay, 4 ochko bilan guruhda ikkinchi o‘rinni egalladi va jamoa pley-offga chiqdi.

Kongo terma jamoasi Zimbabve termasi bilan bahsga kirishdi.

O‘yin davomida Kongo a’zolari Jonatan Bolingi (4), Sedrik Bakambu (34, 65 — penalti) hamda Britt Assombalonga raqib darvozasiga gol urdi.

Shu tariqa Kongo Zimbabve darvozasiga javobsiz 4 ta gol urdi (4:0).

3-tur yakuniga ko‘ra, Kongo “A” guruhida 3 ochko to‘plab 3-o‘rin bilan kifoyalandi. So‘nggi o‘rindagi Zimbabve esa 1 ochkoga ega bo‘ldi.

“B” guruhida esa Madagaskar terma jamoasi Nigeriya termasi bilan bellashdi.

Uchrashuvning 13-daqiqasida madagaskarlik yarim himoyachi Lalaina Nomenjanaxari raqib darvozasini ishg‘ol qildi. 53-daqiqaga kelib esa madagaskarlik boshqa bir futbolchi Karolyus Andriamatsinoro ham o‘z nomiga bitta gol yozdirib qo‘ydi (2:0).

Bahs yakuniga ko‘ra, Madaskar Nigeriyani taslim etdi va muhim 3 ochkoga ega bo‘ldi.

Qayd etish lozim, Madagaskar 7 ochko jamg‘arib, guruh bahslarini birinchi o‘rinda yakunladi. Nigeriya esa 6 ochko bilan 2-o‘rinni band qildi.

Shu kuni Gvineya termasi Burundi bilan to‘qnash keldi.

Bellashuvning 25 hamda 52-daqiqalarida gvineyalik hujumchi Mohamed Yattara gol urib, dublga erishdi.

Natijada Gvineya termasi Burundini 2:0 ko‘rinishida mag‘lubiyatga uchratdi.

Gvineya so‘nggi turda g‘alaba qozonganiga qaramasdan guruhdan chiqish masalasini hal eta olmadi. Jamoa 4 ochko bilan guruhda 3-o‘rinni egalladi. Burundi esa 3 ta tur yakuniga ko‘ra birorta ham ochko yig‘a olmadi.

Afrika Millatlar Kubogi

3-tur bahslari

27-iyun, payshanba

“A” guruhi

Uganda—Misr 0:2

Gollar: 0:1 — 36 Saloh, 0:2 — 45 al-Muhammadi

Zimbabve—Kongo 0:4

Gollar: 0:1 — 4 Bolingi, 0:2 — 34 Bakambu, 0:3 — 65, penalti, Bakambu, 0:4 — 78 Assombalonga

“B” guruhi

Madagaskar—Nigeriya 2:0

Gollar: 1:0 — 13 Nomenjanaxari, 2:0 — 53 Andriamatsinoro

Burundi—Gvineya 0:2

Gollar: 0:1 — 25 Yattara, 0:2 — 52 Yattara

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!

Izoh
Asosiy yangiliklar
Mahalliy
Shavkat Mirziyoyev Qoraqalpog‘iston va Farg‘ona vodiysida suv ta’minotini yaxshilashga oid taqdimot bilan tanishdi (foto)
Madaniyat
Tomoshabinlar mehriga sazovor bo‘lgan eng go‘zal turk aktrisalari (foto)
Mahalliy
Markaziy bank xorijiy valyutalarning so‘mga nisbatan yangi qiymatini e’lon qildi