Futbol bo‘yicha Kopa Amerika—2019 musobaqasining 1/4 finalida Leo Messi yetakchiligidagi Argentina terma jamoasi Venesuela termasi bilan bahsga kirishdi.
Bellashuv davomida Argentina termasi vakillari Lautaro Martines (10) hamda Jovanni Lo Chelso (74) tomonidan kiritilgan gollar argentinaliklarga Venesuela ustidan ishonchli g‘alabani taqdim etdi (2:0).
Shu tariqa Argentina terma jamoasi Kopa Amerikaning yarim final yo‘llanmasini qo‘lga kiritdi. Ma’lumot uchun, Argentina 1/2 finalda musobaqa mezboni Braziliya termasiga qarshi maydonga tushadi. Mazkur o‘yin 3-iyul kuni bo‘lib o‘tadi.
Kopa Amerika—2019
1/4 final bahsi
28-iyun, juma
Venesuela—Argentina 0:2
Gollar: 0:1 — 10 Martines, 0:2 — 74 Lo ChelsoVenesuela: Farinyes, Ernandes, Chanselyor, Rosales (Seyxas, 83), del Pino Mago (Soteldo, 56), Rinkon, Errera, Murilyo, Moreno, Machis (Martines, 71), Rondon
Argentina: Armani, Foyt, Pesselya, Otamendi, Akunya (Lo Chelso, 68), Paredes, de Paul, Talyafiko, Martines (Di Mariya, 64), Aguero (Dibala, 85), Messi
Ogohlantirishlar: Rinkon (12), Errera (15), Martines (16), Akunya (42), Rondon (44), Soteldo (90)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)