12-iyunning e’tiborga molik yangiliklari — “Daryo” dayjestida.

Skrinshot: Telegram

Taniqli kino va teatr aktrisasi Gulbahor Yo‘ldosheva vafot etdi.

“Qo‘qon shamoli” tarixiy filmidagi Mingoyim obrazi aktrisaning so‘nggi roli bo‘lib qoldi.

***

Jizzaxda haydovchi o‘zini to‘xtatgan YPX xodimini do‘pposladi.

Qayd etilishicha, haydovchi YPX xodimining o‘zini to‘xtatganidan norozi bo‘lib, uni do‘pposlab ketgan.

***

Bosh prokuratura: Qo‘yliqdagi ommaviy mushtlashuv holati bo‘yicha ikki kishi qamoqqa olindi.

Voqea 5-iyun kuni soat 19.50 larda Mirobod tumani, Farg‘ona yo‘li ko‘chasida joylashgan “Osiyo burger” tamaddixonasi oldida ro‘y bergan.

Mushtlashuvda bir kishiga pichoq bilan jarohat yetkazilgan.

***

O‘zbekiston Markaziy banki denominatsiya ehtimoli borligini ma’lum qildi.

“Men aniq bir sanani ayta olmayman, bu besh yoki o‘n yil ichida bo‘ladi”, — dedi Markaziy bank raisining birinchi o‘rinbosari Ilhom Norqulov.

Norqulovning so‘zlariga ko‘ra, inflyatsiyaviy targetlashga o‘tish tugallanishi bilan regulyator denominatsiya masalasini ko‘rib chiqishga tayyor bo‘ladi.

***

O‘zbekistonda onlayn auksion orqali ilk bor 5,3 mln. so‘mga “chiroyli” mobil raqam sotildi.

O‘tkazilgan elektron savdo natijasiga ko‘ra onlayn auksion orqali Ucell uyali aloqa operatorining (+998 93) 577-88-88 mobil raqami sotildi.

Ushbu lot joriy yil 4-iyun kuni Toshkent shahri jismoniy shaxslari uchun savdoga quyilgan edi.