Tailandning Bangkok shahrida boks bo‘yicha Osiyo chempionatining final janglari doirasida o‘zbekistonlik ikkinchi bokschi ringga chiqdi.

Foto: O‘zbekiston boks federatsiyasi

-56 kg vazn toifasida O‘zbekiston sharafini himoya qilgan Miraziz Mirzahalilov hindistonlik Kavinder Singx Bishtga qarshi ringga ko‘tarilib, raqibini ochkolar hisobiga mag‘lub etdi. Shu tariqa Miraziz ham Osiyo chempioniga aylandi.

Avvalroq -49 kg vazn toifasi vakili Nodirjon Mirzaahmedov ham hindistonlik raqibini mag‘lub etib, O‘zbekiston terma jamoasi hisobiga ilk oltin medalni yozib qo‘ygandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!