6-aprel, shanba kuni futbol bo‘yicha Italiya chempioantining 31-tur uchrashuvlari boshlanadi.
Musobaqa jadvalida yetakchilik qilayotgan Turinning “Yuventus” klubi o‘z maydonida Jennaro Gattuzo qo‘l ostidagi “Milan” jamoasi bilan jang qiladi. O‘yinga Toshkent vaqti bilan soat 21:00 da start beriladi. Eslatib o‘tamiz, turinliklar 30-turda “Kalyari”ni 2:0 hisobida taslim qilgan bo‘lsa, “rossonerilar” “Udineze” bilan durang natija qayd etgandi (1:1).
Shu kuni oxirgi bahsda “Fiorentina” bilan durang o‘ynagan Rimning “Roma” klubi “Sampdoriya” mehmoni bo‘ladi. O‘yin soat 23:30 da boshlanadi. Ma’lumot uchun, rimliklar 48 ochko jamg‘argan holda musobaqa jadvalida 7-o‘rinda bormoqda.
7-aprel, yakshanba kuni Luchano Spaletti boshqaruvidagi Milanning “Inter” jamoasi “Atalanta” bilan bahsga kirishadi. Bellashuv soat 21:00 da start oladi. Ta’kidlash joiz, avvalgi turda “neradzurrilar” safarda “Jenoa”ni yirik hisobda yutgandi (4:0).
Musobaqa jadvalida 2-pog‘onadan joy olgan Karlo Anchelotti boshliq “Napoli” “Jenoa”ni sinovdan o‘tkazadi. Uchrashuv soat 23:30 da boshlanishi belgilangan. Eslatib o‘tamiz, neapolliklar 3-aprel kuni bo‘lib o‘tgan o‘yinda “Empoli”ga mag‘lub bo‘lgandi (1:2).
30-turdan so‘ng musobaqa jadvalidagi holat:
A Seriya
31-tur bahslari
6-aprel, shanba
“Parma”—“Torino” 18:00
“Yuventus”—“Milan” 21:00
“Sampdoriya”—“Roma” 23:30
7-aprel, yakshanba“Fiorentina”—“Frozinone” 15:30
“Udineze”—“Empoli” 18:00
“Kalyari”—SPAL 18:00
“Inter”—“Atalanta” 21:00
“Latsio”—“Sassuolo” 21:00
“Napoli”—“Jenoa” 23:30
8-aprel, dushanba“Bolonya”—“Kyevo” 23:30
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)