Qozog‘iston—O‘zbekiston chegarasida yuk mashinalar tirbandligi sababi ma’lum qilindi

Qozog‘iston—O‘zbekiston chegarasida yuk mashinalar to‘planib qolganini Qozog‘iston Moliya vazirligining davlat daromadlari qo‘mitasi raisining o‘rinbosari vazifasini ijro etuvchi Kuat Rahimov tasdiqladi, deb yozadi Sputnik.

Rahimovning so‘zlariga ko‘ra, so‘nggi vaqtlarda Qozog‘iston va O‘zbekiston o‘rtasidagi yuk olib o‘tish oqimi to‘rt baravarga oshgan. Nazorat-o‘tkazish punktlari esa 20 yildan oldin qurilgan va modernizatsiya qilishni talab etadi.

Ikkinchi sababi esa O‘zbekiston tomonidan avtotransport vositalarini ko‘zdan kechirish nazorati kuchaytirilgani. Shu bois Qozog‘iston hududa ko‘plab yuk mashinalar to‘planib qolishi kuzatilmoqda.