Bugun,

  • USD 11095.31
  • RUB 173.84
  • EUR 10772.44

“O‘zavtosanoat” AJ Namangan viloyatining Norin tumanida velosiped ishlab chiqarish korxonasini ishga tushirdi, deya xabar beradi GM Uzbekistan Jamoatchilik bilan aloqalar xizmati.

Foto: “O‘zavtosanoat”

Foto: “O‘zavtosanoat”

Mazkur korxonani tashkil etish bo‘yicha Kelishuv “O‘zavtosanoat” AJ va Lifan Group Co.Ltd kompaniyasi tomonidan imzolangan.

Lifan Group Co.Ltd kompaniyasi ishlab chiqarish uchun butlovchi qismlarni yetkazib berish bilan shug‘ullanadi.

Eslatib o‘tamiz, 2018-yilning avgustida Prezident Shavkat Mirziyoyev velosiped ishlab chiqarishni ko‘paytirib, yo‘l bo‘ylarida veloyo‘lakchalar tashkil etib, velosipedda yurishni ommalashtirish zarurligini ta’kidlagan edi. Bu esa o‘z o‘rnida mazkur korxonaning tashkil etilishida muhim turtki bo‘ldi.Korxonada dastlab ishlab chiqarish hajmi yiliga 150 mingni tashkil qiladi. Bosqichma-bosqich mazkur ko‘rsatkich oshib borish rejalashtirilgan.

Mazkur loyiha O‘zbekiston Respublikasining 2019-yilgi Investitsion dasturiga kiritilgan bo‘lib, uning doirasida O‘zbekistonga 200 ming dollar investitsiya jalb qilinishi ko‘zda tutilgan.

Kelgusida “Norin Moto Bike” MChJ korxonada mototsikllar, tritsikllar, skuterlar va mopedlar ishlab chiqarish yo‘lga qo‘yiladi.

Qayd etish joizki, “Norin Moto Bike” zavodi xodimlari ishlab chiqarishni yo‘lga qo‘yishdan oldin Xitoyda tajriba o‘tab qaytgan. Yangi zavod hozirda 150 dan ortiq mahalliy aholini ishga joylashtirish imkonini beradi, kelgusida ish o‘rinlarini 500 taga yetkazish rejalashtirilgan.

Izoh
Asosiy yangiliklar
Mahalliy
Virtual kartalar nima va ulardan qanday qilib to‘g‘ri foydalanish mumkin?
Dunyo
Twitter ofisida xodimlar uchun karavotlar paydo bo‘ldi, Ilon Mask avvalroq me’yoridan ortiqcha ish bo‘lishi haqida ogohlantirgandi
Mahalliy
Xorazmda ikki kishi is gazidan vafot etdi