Chexiyaning Trshinets shahrida yengil atletikaning balandlikka sakrash yo‘nalishi bo‘yicha “Beskydska latka” xalqaro musobaqa bo‘lib o‘tdi, deb xabar beradi MOQ. Ushbu musobaqada O‘zbekiston sharafini Svetlana Radzivil va Nadiya Dusanova himoya qildi.
Bellashuvlarda 192 sm balandlikni zabt etgan holda ukrainalik sportchi Katerina Tabachnik oltin medalga sazovor bo‘ldi.
Svetlana Radzivil va britaniyalik Morgan Layk bir xil natija ko‘rsatib, kumush medalni qo‘lga kiritdi. Sportchilar 189 sm balandlikni dastlabki urinishdayoq zabt etdi. Ikkinchi va uchinchi imkoniyatlardan unumli foydalanmadi (192 sm).
O‘zbekistonlik boshqa bir sportchi Nadiya Dusanova 185 sm balandlikni zabt etgan holda to‘rtinchi o‘rindan joy oldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)