Светлана Радзивил Чехиядаги мусобақада кумуш медалга эга чиқди
Чехиянинг Тршинец шаҳрида енгил атлетиканинг баландликка сакраш йўналиши бўйича «Бескйдска латка» халқаро мусобақа бўлиб ўтди, деб хабар беради МОҚ. Ушбу мусобақада Ўзбекистон шарафини Светлана Радзивил ва Надия Дусанова ҳимоя қилди.
Беллашувларда 192 см баландликни забт этган ҳолда украиналик спортчи Катерина Табачник олтин медалга сазовор бўлди.
Светлана Радзивил ва британиялик Морган Лайк бир хил натижа кўрсатиб, кумуш медални қўлга киритди. Спортчилар 189 см баландликни дастлабки уринишдаёқ забт этди. Иккинчи ва учинчи имкониятлардан унумли фойдаланмади (192 см).
Ўзбекистонлик бошқа бир спортчи Надия Дусанова 185 см баландликни забт этган ҳолда тўртинчи ўриндан жой олди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
