30-yanvar kuni rossiyalik senator Rauf Arashukov Federatsiya kengashi majlislar zalida hibsga olindi. Bu haqda Meduza xabar bermoqda.
Senatorning otasi Raul Arashukov ham o‘sha kunning o‘zida “Gazprom”ning Sankt-Peterburgdagi ofislaridan birida qo‘lga olindi.
Rossiya Tergov qo‘mitasiga ko‘ra, Rauf Arashukov “Adige-Xase” yoshlar harakati faoli Aslan Jukov va Qorachoy-Cherkess respublikasi sobiq rahbarining maslahatchisi Fral Shebzuxovning o‘ldirilishiga aloqador bo‘lishi mumkin.
Uning otasi o‘ta yirik miqdorda firibgarlikda gumon qilinmoqda. Tergov Raul Arashukovni “Gazprom” kompaniyasidan 30 milliard rubldan ortiqroq summadagi tabiiy gaz o‘g‘irlanishida gumon qilmoqda.
Izoh (0)