Hech kimga sir emaski keyingi yillarda aholining ijtimoiy ehtiyojlarini qondirish xususan gaz, elektr energiya va ichimlik suvi muammosi dolzarblashib bormoqda. Ayniqsa elektr tokining uzluksiz bo‘lishi hayotiy zarur ehtiyojga aylanib ulgurgan. Statistik ma’lumotlarga ko‘ra, so‘ngi o‘n yil mobaynida aholining elektr energiyasiga talabi qariyb o‘n baravarga oshdi. Bu esa, albatta o‘ziga xos muammolarni yuzaga keltirib chiqaradi. “Daryo” muxbiri Toshkent viloyatining “Tuyabo‘g‘iz” suv ombori qoshidagi kichik GES qurilishidan fotoreportaj tayyorladi.
2017-yil 18-may sanasida O‘zbekiston Respublikasi Prezidentining “O‘zbekgidroenergo aksiyadorlik jamiyatini tashkil etish to‘g‘risida”gi farmoniga asosan “O‘zbekgidroenergo” tashkiloti “O‘zbekenergo”dan ajralib chiqib aksiyadorlik jamiyati shakllantirildi. O‘zbekgidroenergoga ustuvor vazifalar qilib qo‘yidagilar belgilangan:
- gidroenergetika salohiyatidan samarali foydalanish;
- suv-energetika resurslarini boshqarishning yagona tizimini shakllantirish;
- mavjud gidroelektrstansiyalarni texnik va texnologik jihatdan qayta jihozlash;
- buning uchun xorijiy investitsiyalarni keng jalb etish va shu asosda korxonalar va aholining elektr energiyasiga ehtiyojini to‘la qondirish.
Ana shu gidroelektrstansiyalardan biri Toshkent viloyatining “Tuyabo‘g‘iz” suv ombori qoshidagi kichik GES qurilishidir. Bu yerdagi qurilish ishlari 2017-yilning iyun oyida boshlangan. Mazkur GESni “Gidroproyekt” AJ loyihasi asosida TO‘PALANG HPD IRRIGATION SYSTEMS unitar korxonasi bunyod etmoqda. Obyektning umumiy qiymati 16,33 million AQSh dollariga teng. Ushbu mablag‘ning qariyb yarmi chet el investitsiyasi hisobiga moliyalashtirilmoqda. 8,09 million AQSh dollarlik qismi esa “O‘zbekgidroenergo” tomonidan qoplanmoqda.
Uskunalar Xitoyning shu sohaga ixtisoslashgan mashhur kompaniyasi DONG FAN tomonidan yetkazildi va o‘rnatildi. Mazkur GES quvvati soatiga 5,75 megavatt elektr energiyasini yetkazib beruvchi ikkita katta generator bilan ta’minlangan. Bu degani soatiga 11,5 megavatt uzluksiz elektr energiya manbai qurildi degani. Bu o‘z navbatida qishloq xo‘jaligi, sanoat, ishlab chiqarish hamda aholining uzluksiz elektr energiyasiga bo‘lgan talabini qondiradi.
Loyihalash instituti tomonidan rejasi ishlab chiqilgan Tuyabo‘g‘iz GESi yangi barpo etilgan qaldirg‘och GESdir. Qurilish boshlangandan buyon 270 nafar ishchilar hormay tolmay mehnat qilishmoqda. GES bitgach 22 kishi doimiy ish bilan ta’minlanadi. Qurilish ishlariga tajribali bosh pudratchi Asadov Baxshullo boshchilik qilmoqda. Loyihalarni Loyihalash institutining mutaxassisi Safar Xolmo‘minov taqdim etgan.
Izoh (0)