Ravshan Ermatov Osiyo Kubogi 1/4 finalida Janubiy Koreya—Qatar uchrashuvini boshqaradi

25-yanvar, juma kuni bo‘lib o‘tadigan Janubiy Koreya—Qatar uchrashuviga Ravshan Ermatov bosh hakam sifatida tayinlandi, deb xabar berdi O‘FA.

Unga qanotlarda Abduhamidullo Rasulov va Jahongir Saidovlar yordam berishadi. To‘rtinchi hakam — Ma Ning (Xitoy).

VAR — Paolo Valeri (Italiya), Muhammad Taqi bin Jahariy (Singapur) va Fu Ming (Xitoy).

Mazkur bahs Toshkent vaqti bilan soat 18:00 da boshlanadi.

Eslatib o‘tamiz, Ravshan Ermatov 24-yanvar kuni Osiyo Kubogi chorak finalidan o‘rin olgan Xitoy—Eron uchrashuvida videotakrorlar bo‘yicha referi assistenti sifatida ishlaydi.