Toshkentning Sergeli tumanida 8 ta avtomobil oynasini sindirib, salondan pul va buyumlarni o‘g‘irlagan, ikki nafar voyaga yetmagan o‘smir qo‘lga olingan. Bu haqda Toshkent IIBB xabar berdi.
Ma’lum bo‘lishicha Sergeli tuman IIB xodimlari jabrlanuvchilardan birining xabari bo‘yicha hodisa joyiga yetib borgan. Soat 3:00 dan 5:00 gacha sakkizta mashinaning oynalari sindirilgani, biroq faqat besh haydovchi hodisa haqida ma’lum qilgandi.
Jinoyat sodir etganda gumon qilinganlar kuzatuv kameralar orqali aniqlanib, qo‘lga olingan. Ularga nisbatan, Jinoyat kodeksining 169-moddasi 2-qismi (“O‘g‘irlik”) bo‘yicha jinoiy ish qo‘zg‘atilgan.
Izoh (0)