Тошкентнинг Сергели туманида 8 та автомобиль ойнасини синдириб, салондан пул ва буюмларни ўғирлаган, икки нафар вояга етмаган ўсмир қўлга олинган. Бу ҳақда Тошкент ИИББ хабар берди.
Маълум бўлишича Сергели туман ИИБ ходимлари жабрланувчилардан бирининг хабари бўйича ҳодиса жойига етиб борган. Соат 3:00 дан 5:00 гача саккизта машинанинг ойналари синдирилгани, бироқ фақат беш ҳайдовчи ҳодиса ҳақида маълум қилганди.
Жиноят содир этганда гумон қилинганлар кузатув камералар орқали аниқланиб, қўлга олинган. Уларга нисбатан, Жиноят кодексининг 169-моддаси 2-қисми («Ўғирлик») бўйича жиноий иш қўзғатилган.
Изоҳ (0)