25-noyabr — Xalqaro ayollarga nisbatan zo‘ravonlikka barham berish kuni, deb yozadi O‘zA.
BMT Bosh Assambleyasining 1999-yilning 17-dekabrdagi rezolyutsiyasi bilan 25-noyabr — Xalqaro ayollarga nisbatan zo‘ravonlikka barham berish kuni, deb e’lon qilingan.
BMT shu orqali barcha hukumatlar, xalqaro tashkilotlar, nodavlat tashkilotlarini mazkur kunda jamoatchilikni ushbu dolzarb muammo haqida xabardor etishga bag‘ishlangan tadbirlarni tashkillashtirishga chaqirdi.
2014-yilda BMT Bosh kotibi ayollarga nisbatan zo‘ravonlikni yo‘q qilishga qaratilgan UNiTE nomli tashabbusni ochiq deb e’lon qilishi munosabati bilan mazkur tashabbus bo‘yicha turli tadbirlar dunyo bo‘ylab barcha shaharlar, ko‘chalarda 25 noyabrdan to 10 dekabrgacha jamoatchilikning faol ishtirokida o‘tkazila boshlandi.
Toshkentdagi Compass ko‘ngilochar savdo markazida “16 kun zo‘ravonliksiz!” deb nomlangan aksiyaning ochilish marosimi bo‘lib o‘tadi.
O‘zbekiston Respublikasi “Istiqbolli Avlod” ijtimoiy axborot markazi tomonidan, Toshkent shahar xotin-qizlar qo‘mitasi hamkorligida tashkil etilayotgan tadbirda barcha ishtirok etishi mumkin. Unda ayollar huquqlarini ta’minlash, odam savdosi muammosi va uning oldini olishga oid foydali ma’lumotlar bilan birga taniqli san’atkorlarning konsert dasturlari namoyish etiladi.
Izoh (0)