O‘zbekistonda bugun, 15-sentabrdan boshlab qolipli (“buxanka”) non narxining davlat tomonidan tartibga solinishi bekor qilindi. Vazirlar mahkamasi qaroriga binoan endilikda “buxanka” erkin bozor narxi bo‘yicha sotiladi. 15-sentabrdan boshlab “buxanka” narxi qariyb ikki barobar oshib, 650 so‘mdan 1200 so‘mga ko‘tarildi.

Foto: Telegram / @UzbekVideo

2018-yil 1-oktabrdan boshlab aholining ijtimoiy himoyaga muhtoj qatlamlariga un va qolipli non olish bo‘yicha qo‘shimcha xarajatlarni qoplash uchun eng kam oylik ish haqining 10 foizi (18 400 so‘m) miqdorida kompensatsiya to‘lovi to‘lab beriladi.

Ma’lumot uchun, O‘zbekistonda qolipli non narxi oxirgi marta 2014-yil sentabrida 50 so‘mga qimmatlab, 650 so‘m etib belgilangan edi.