Bugun,

  • USD 10940.05
  • RUB 182.26
  • EUR 11121.65

Bugun, 28-avgust kuni Islom Karimov nomidagi Toshkent xalqaro aeroportida Indoneziyada bo‘lib o‘tayotgan XVIII yozgi Osiyo o‘yinlarida O‘zbekiston shanini himoya qilgan Mudofaa vazirligi sport klubi taekvondochilari tantana bilan kutib olindi. Bu haqda vazirlik matbuot xizmati “Daryo”ga ma’lum qildi.

Foto: Mudofaa vazirligi matbuot xizmati

Foto: Mudofaa vazirligi matbuot xizmati

Jakarta va Palembang shaharlarida o‘tkazilayotgan Osiyo o‘yinlarida taekvondo sport turi bo‘yicha Mudofaa vazirligi Sport klubi a’zosi Nikita Rafalovich (-80 kg vazn toifasida) oltin medalni qo‘lga kiritdi. Shartnoma bo‘yicha harbiy xizmatchi oddiy askar Dmitriy Shokin (+80 kg) va Niyoz Po‘latov (-58 kg vazn toifasida) esa bu safar kumush medalga loyiq topildi.

Shuningdek, -67 kg vazn toifasida yana bir armiya sportchisi Nigora Tursunqulova yarim finalga qadar yetib borib, final yo‘llanmasi uchun Janubiy koreyalik Kim Jandiga qarshi jang olib bordi va mag‘lubiyatga uchrab, bronza medaliga egalik qildi.

Foto: Mudofaa vazirligi matbuot xizmati

Foto: Mudofaa vazirligi matbuot xizmati

Tantanali kutib olish marosimida Mudofaa vazirligi sport klubi mas’ul ofitserlari, sport federatsiyalari vakillari, sportchi yoshlar hamda g‘olib va sovrindorlarning oila a’zolari ishtirok etdi.

O‘zbekiston Respublikasi Qurolli Kuchlar akademiyasi harbiy orkestri jamoasi o‘z kuy-qo‘shiqlari bilan tantanaga bayramona tus bag‘ishladi.

Foto: Mudofaa vazirligi matbuot xizmati

Foto: Mudofaa vazirligi matbuot xizmati

Ta’kidlash joizki, XVIII yozgi Osiyo o‘yinlarida Mudofaa vazirligi sport klubining 50 nafar sportchisi sportning 11 turi bo‘yicha, xususan, jiu-jitsu, kurash, boks, taekvondo, yengil atletika, kanoe va baydarkada eshkak eshish, og‘ir atletika, dzyudo, otish, tennis, trampolin kabi sport turlari bo‘yicha qatnashmoqda.

Izoh
Asosiy yangiliklar
Mahalliy
Surxondaryoda 3-sinf o‘quvchisi maktab hovlisida vafot etdi
Dunyo
Merkel Putinning yadroviy tahdidlarini jiddiy qabul qilishga chaqirdi
Mahalliy
Prezident O‘qituvchi va murabbiylar kuni munosabati bilan bir guruh xodimlarni mukofotladi (ro‘yxat)