Yunon-rum kurashi. 130 kg vaznli kurashchi Mo‘minjon Abdullayev ham finalda!

Bugun, 22-avgust sanasida Indoneziyaning Jakarta shahrida yunon-rum kurashi bo‘yicha bahslar davom etmoqda. Unda o‘zbekistonlik kurashchilar ham ishtirok etmoqda.

Jumladan, -87 kg vaznda Rustam Assakalov hindistonlik raqibini 10:0 hisobida muddatidan avval mag‘lub etib, finalga yo‘l olgani haqida xabar berilgandi.

Hozirgina -130 kg vaznda O‘zbekiston sharafini himoya qilayotgan Mo‘minjon Abdullayev eronlik raqibi ustidan g‘alaba qozonib, finalga chiqdi. Endi Mo‘minjon finalda qozog‘istonlik kurashchiga qarshi gilamga chiqadi.

Voqealarni kuzatishda davom eting!