Indoneziyaning Palembang shahrida Osiyo o‘yinlari dasturidan o‘rin olgan tennis musobaqasining yakkalik bahslari o‘zining qizg‘in pallasiga kirib bormoqda.
O‘zbekistonlik iste’dodli tennischi Jo‘rabek Karimov hozirgina yakuniga yetgan uchrashuvda hindistonlik kuchli raqibi Ramantan Ramkumarga qarshi bahs olib bordi, deb xabar beradi “Daryo” muxbiri.
Birinchi setni 3:6 hisobida boy bergan Jo‘rabek keyingi ikki setda 6:4, 6:3 hisobidagi irodali g‘alabaga erishib, chorak finalga yo‘l oldi.
Birozdan so‘ng O‘zbekistonning birinchi raqamli tennischisi Denis Istomin o‘zining ikkinchi bahsini o‘tkazadi. Markaziy kortda o‘tadigan bahsda Denisga xitoylik Jijen Jang raqiblik qiladi.
Izoh (0)