“O‘zbekiston havo yo‘llari” milliy aviakompaniyasi 3-iyundan 8-sentabrga qadar Toshkent – Nyu-York – Toshkent reysining ekonom-klassi uchun minimal narxlarni tushiradi. Bu haqda “Gazeta.uz” xabar bermoqda.
Aytilishicha, bir tomonga uchish narxi 430 yevrodan (4037924 so‘m, oldin 563 yevro edi), qaytish bilan — 829 yevrodan (7788863 so‘m, oldin 951 yevro edi) boshlanadi.
Yo‘lovchilarga qulaylik yaratish maqsadida 3-iyundan Samarqand – Nyu-York yo‘nalishida qo‘shimcha tarif joriy etadi. U Toshkent orqali Samarqand – Toshkent orasidagi parvoz uchun qo‘shimcha haq to‘lamasdan Samarqanddan Nyu-Yorkkacha aviachipta xarid qilish imkonini beradi.
Toshkent – Nyu-York – Toshkent yo‘nalishida parvozlar Boeing-787 Dreamliner samolyotlarida amalga oshiriladi.
Izoh (0)