Bugun,

  • USD 11095.31
  • RUB 173.84
  • EUR 10772.44

“G‘uzor—Nukus—Qo‘ng‘irot—Beynov” avtomobil yo‘lining Buxoro viloyatidagi Romitan, Jondor va Peshku tumanlari hududlaridan o‘tuvchi 85 kilometrli qismini 2 tasmali asfalt-beton qoplamali yo‘ldan 4 tasmali sement-beton qoplamali avtomobil yo‘liga o‘tkazish loyihasi to‘liq yakunlandi. Bu haqda Avtomobil yo‘llari davlat qo‘mitasi matbuot xizmati xabar bermoqda.

Foto: Avtomobil yo‘llari davlat qo‘mitasi

Foto: Avtomobil yo‘llari davlat qo‘mitasi

A-380 avtomobil yo‘li xalqaro E-40 xalqaro transport yo‘nalishining O‘zbekistondagi qismi hisoblanib, u orqali Markaziy va Sharqiy Yevropa, Rossiya, Ukraina va Qozog‘istonga chiqish ta’minlanib, O‘zbekiston orqali trans-afg‘on transport yo‘nalishiga bog‘lanadi.

Foto: Avtomobil yo‘llari davlat qo‘mitasi

Foto: Avtomobil yo‘llari davlat qo‘mitasi

Ushbu avtomagistral Qoraqalpog‘iston Respublikasi, Xorazm, Buxoro va Qashqadaryo viloyatlari hududidan o‘tib, davlatlararo, viloyatlararo aloqalarni ta’minlashda ham muhim bo‘g‘in hisoblanadi.

Foto: Avtomobil yo‘llari davlat qo‘mitasi

Foto: Avtomobil yo‘llari davlat qo‘mitasi

Avtomagistral o‘z navbatida xalqaro ahamiyatdagi M-37 “Samarqand-Buxoro-Olot” va M-39 “Olmaota-Toshkent-Termiz” avtomobil yo‘llarini bog‘laydigan muhim xalqaro yo‘nalish bo‘lib, trans-afg‘on transport yo‘nalishining shimoliy tarkibiy qismi ham hisoblanadi.

Foto: Avtomobil yo‘llari davlat qo‘mitasi

Foto: Avtomobil yo‘llari davlat qo‘mitasi

Mazkur loyihaning umumiy qiymati 175,2 million dollarni tashkil etib, ushbu ishlarni amalga oshirish uchun bosh pudratchi tashkilot etib Janubiy Koreyaning Posco Engineering & Construction kompaniyasi belgilandi.

Foto: Avtomobil yo‘llari davlat qo‘mitasi

Foto: Avtomobil yo‘llari davlat qo‘mitasi

Ushbu ishlarni bajarishda 400 donadan ortiq yo‘l qurilish texnikasi jalb qilindi. Qurilish davomida 600 ga yaqin mahalliy mutaxassislar va ishchilar tun-u kun mehnat qildi.

Foto: Avtomobil yo‘llari davlat qo‘mitasi

Foto: Avtomobil yo‘llari davlat qo‘mitasi

Davlat qabul komissiyasi tomonidan imzolangan obyektni foydalanishga topshirish dalolatnomasi tasdiqlandi. Yo‘lning mazkur qismi transport va yo‘lovchilar qatnovi uchun rasman ochildi. Bugungi kunda mazkur yo‘l jahon andozalariga to‘liq javob beradi va sement qoplamaga ega.

Foto: Avtomobil yo‘llari davlat qo‘mitasi

Foto: Avtomobil yo‘llari davlat qo‘mitasi

Mazkur loyihaning to‘liq amalga oshirilishi natijasida transport xarajatlari miqdori pasaytiriladi, mahalliy va xalqaro tranzit tashishlarning vaqti qisqartiriladi hamda xavfsiz avtomobil yo‘llari tarmog‘i barpo etiladi.

Izoh
Asosiy yangiliklar
Dunyo
Ramzan Qodirovni tanqid qilgan chechenistonlik bloger o‘ldirib ketildi
Mahalliy
O‘zbekistonda talabalar uchun qishki ta’til muddati belgilandi
Mahalliy
O‘zbekistonda so‘nggi sutkada 153 kishida koronavirus aniqlandi