Rothschild & Co moliyaviy xolding kompaniyasi direktorlar kengashi a’zolari yangi boshqaruv raisini tanladi. 75 yoshli Devid de Rotshildning o‘rnini uning o‘g‘li 35 yoshli Aleksandr egallaydi. Bu haqda kompaniya saytida xabar qilindi, deb yozadi “RBK”.
Bloomberg agentligining ta’kidlashicha, Aleksandr Rotshildlar sulolasining yettinchi avlodi hisoblanadi. Unga vakolatlar 17-may kuni xolding aksiyadorlarining yillik umumiy majlisida rasman o‘tadi. Katta Rotshild kompaniyani tark etmaydi, u Rothschild & Co kuzatuv kengashi raisi lavozimini egallaydi.
Aleksandr de Rotshild Parijning Tashqi savdo oliy maktabini (Ecole Superieure de Commerce Exterieur) tugallagan. Oilaviy biznesga 2008-yilda qo‘shilgan.
Izoh (0)