“Sevilya”ga qarshi o‘yin oldidan Lukakuning dubli “Yunayted”ni Angliya Kubogida chorak finalga olib chiqdi

“Manchester Yunayted” futbol klubi Angliya Kubogining chorak finaliga yo‘llanma oldi.

Joze Mourinyo shogirdlari “Xaddersfild” maydonida ishonchli g‘alabaga erishdi. Belgiyalik hujumchi Romelu Lukakuning 2 ta goliga mezbonlar javob qaytara olmadi. Gollarga Xuan Mata va Aleksis Sanches kabi yetakchilar pas berdi.

“Yunayted” APLdagi ilk mag‘lubiyatini aynan “Xaddersfild”dan qabul qilib olgan bo‘lib, keyinroq o‘z maydonida buning uchun o‘ch olgandi. Endi esa chempionatning debyutant klubi Angliya Kubogi uchun kurashdan chiqib ketdi.

Kecha “Sautgempton” va “Brayton” klublari ham navbatdagi bosqichga yo‘l oldi. “Suonsi” esa chorak final masalasini javob o‘yini orqali hal qilishiga to‘g‘ri keladi.

Jeymi Vardi “Lester”ni, Olivye Jiru “Chelsi”ni Angliya Kubogining keyingi bosqichiga olib chiqdi

“Sheffild Uensdey” — “Suonsi” 0:0

“Vest Bromvich” — “Sautgempton” 1:2

“Brayton” — “Koventri” 3:1

“Xaddersfild” — “Manchester Yunayted” 0:2

18-fevral, yakshanba“Rochdeyl” — “Tottenhem”

19-fevral, dushanba“Uigan” — “Manchester Siti”