Angliya chempionatida beshinchi bo‘lib turgan Londonning “Tottenhem” klubi Chempionlar Ligasidagi mag‘lubiyatsiz yurishini davom ettirdi.
Chorak final yo‘lida Turinning “Yuventus” klubiga raqib bo‘lgan “shporlar” safar o‘yinida 2:2 hisobida durang o‘ynadi. A seriya yetakchisi dastlabki 10 daqiqadayoq 2 ta gol urgan bo‘lsa-da, qolgan daqiqalarda bellashuvni londonliklar nazorat qildi va o‘z irodasini namoyish etib, hisobni tenglashtirishga muvaffaq bo‘ldi.
Shu kuni turinliklar safida argentinalik hujumchi Gonsalo Iguain dublga erishdi. Ammo u birinchi bo‘lim so‘ngida penaltidan aniq foydalana olmadi. Tepilgan to‘p darvoza to‘siniga tegib qaytdi.
“Tottenhem” guruh bosqichida “Real” va “Borussiya” klublaridan ustunlik qilib, yakunda 16 ochko jamg‘argan va pley-offga eng ko‘p ochko bilan yo‘llanma olgan jamoaga aylangandi.
Chempionlar Ligasi 1/8 final 13-fevral, seshanba
Izoh (0)