Angliya Premyer-Ligasining 27-tur bellashuvlari bugun — 12-fevral kuni bo‘lib o‘tadigan “Chelsi” — “Vest Bromvich” o‘yini bilan yakuniga yetadi.
Yakshanba oqshomida 3 ta bellashuv bo‘lib o‘tdi va shuning 2 tasida xavfli zonada borayotgan klublar o‘z ahvolini ancha yaxshilab oldi. Rafael Benites boshchilik qilayotgan “Nyukasl” mazkur turda “Yunayted”ni qabul qilib, minimal hisobda zafar quchdi. Tomonlarning “Old Trafford”da kechgan birinchi o‘yinida Joze Mourinyo jamoasi yirik g‘alabani tantana qilgandi — 4:1.
“Liverpul” esa safarda “Sautgempton”ni taslim qilishga erishdi. Shu tariqa “mersisayd” klubi “Yunayted”ga ancha yaqinlashib oldi. Endi mazkur jamoalar orasidagi farq 2 ochkoni tashkil qilmoqda. Demak, “Siti”dan keyingi pog‘ona uchun kurash ancha jiddiylashgan.
Navbatdagi turda “Liverpul” o‘z uyida “Vest Hem”ni qabul qilsa, “Yunayted”ni “Chelsi”ga qarshi jiddiy sinov kutib turibdi.
Shanba qahramoni Serxio Aguero: u “Lester” postiga 4 ta gol urdi. “Tottenhem” esa Venger jamoasini taslim qildi
Angliya Premyer-Ligasi 27-tur bellashuvlari 11-fevral, yakshanba“Xaddersfild” — “Bornmut” 4:1
Gollar: Aleks Pritchard, 7 (1:0). Junior Stanislas, 14 (1:1). Stiv Munye, 27 (2:1). Stiv Munye, 66 (3:1). Rayiv van La Parra, 95+ pen (4:1).“Nyukasl” — “Manchester Yunayted” 1:0
Gol: Mett Ritchi, 65 (1:0).“Sautgempton” — “Liverpul” 0:2
Gollar: Roberto Firmino, 6 (0:1). Muhammad Saloh, 42 (0:2).12-fevral, dushanba“Chelsi” — “Vest Bromvich” 01:00
Izoh (0)