Buyuk Britaniyada topilgan 10 ming yil avvalgi eng qadimiy inson qoldiqlari ko‘k ko‘zli va jingalak sochli qora tanli odamga tegishli bo‘lgan. Londondagi Universitet kolleji olimlari shunday xulosaga keldi, deya xabar beradi “TASS”.

Foto: Getty Images

Uning tashqi qiyofasini aniqlash uchun mutaxassislar DNK tahlilini o‘tkazdi. Natijada Britaniyaning qadimiy odami virtual modeli yaratildi.

“Tashqi qiyofaning butkul turli qirralari aql bovar qilmas darajada birikkani bizni hayratga soldi. Bu inson hozirgi odamlardan ancha farq qiladi”, — dedi tadqiqotchilardan biri Ian Barns.